Anak Bujang Panaruih Adaik Istiadaik



Oleh: Muthia Calista mahasiswa dari Fakultas Ilmu Budaya jurusan Sastra Daerah Minangkabau Universitas Andalas




Anak bujang minangkabau saharusnyo ngarati jo paham adaik istiadaik minangkabau ko, ba a kaba a anak bujang pamimpin rumah gadang ko. Anak bujang ranah minang iolah pusako rumah gadang, pamungka adaik samo pamimpin rumah tanggo tantunyo. Kalau dari kini anak bujang indak paduli samo adaik istiadaik minang ko, kajadi apo ranah minang bisuak ko. Sia nan ka ma urus rumah gadang ko, sia nan ka manjago samo sia juo nan ka paduli rumah gadang ko? Anak bujang lah tantunyo. Caritoko bamulo dari ujang yang indak namuah baraja silek. Urang tuo ujang ko barusaho untuak mambujuk ujang bia namuah ikuik silek, bia nyo mangarati silek ko, mengarati bahwasannyo manfaat silek ko banyak bana, salah satunyo untuak manjago diri nyo juo. 
Banyak urang nan mangecek silek ko iolah budaya samo adaik nagari ko, satiok gerak gerik langkahnyo menganduang makna, yang elok untuak diri urang yang mamahaminyo, pulo elok juo untuak adaik samo nagari ko, bia adohlah panaruih adaik istiadat ko. Urang tuo ujang manyuruah ujang ko taruih manaruih bia ujang nio ikuik silek ko.
Abak : “Jang, sikola ang dulu, adoh nan ka abak kecekan paralu untuak ang, paralu juo untuak masa depan ang”
Amak : “Sikolah ang jang subanta, adoh nan ka dikecek an dek abak ang tu”
Ujang : “Iyo bak, mak, tunggu subanta”
Ujangpun sampai ditampek makan abak samo amak nyo diruang makan, ujang panasaran apo yang dikecekan samo abak samo amaknyo. Apo bana nan penting tu
Ujang : “ Apo abak ? Nampaknyo penting bana nan ka dikecekan tu”
Abak : “Jadi giko jang, dari pado ang malala taruih se nan indak batantuan, rancak ang ikuik silek samo uda et ang tu “
Ujang : “Indak nio doh, indak paralu silek tu”
Abak : “Apo kecek ang ? Paralu bana silek ko mah, elok untuak ang, manjago diri ang, paham samo budayo samo adaik wak ko”
Amak : “Batua bana, kecek abak ang tu, ikuik an selah jang, silek tu adaik samo budayo wak juo, talabiah ang lah bujang, anak anak bujang ko yang ka manjago adaik istiadaik nagari ko dimulai dari silek ko jang “
Ujang : “Amak, indak paralu silek tu, abak silek tu indak zaman nyo kini lai, indak adoh urang yang nio basilek tu kini”
Abak : “Ondeh ujang, mangko dari itu, ujang ikuik silek, bia paham dan di ikuik an kawan kawan ujang untuak basilek ko”
Amak : “Iyo jang”
Ujang : “Pokoknyo ujang indak nio, bialah adaik samo istiadaik tu indak zaman kini”
Amak : “Ondeh nak, jaanlah kayak iko, amak nio ang ikuik silek, paralu untuak ang, anak bujang oik”
Abak : “Jang, abak indak nio, anak bujang abak indak paham samo silek, silek tu paralu bana”
Ujang : “Pokoknyo jang indak nio ikuik silek”
Abak : “Ujang harus ikuik silek, dangaan lah kecek abak jang ko, paralu untuak ang, samo paralu untuak adaik dan istiadaik ko”
Amak : “Pokoknyo amak nio ujang ikuik silek, paralu bana tu mah nak, sia juo lai yang manjago adaik dan nagari ko jiko ujang indak namuah ikuik silek, kalian yang bujang bujang ko juo panaruih adaik dan istiadaik minangkabau ko”
Ujang : “Iyo, iyo mak, abak a”

Baitulah ujang, contoh anak bujang kini, yang indak namuah ikuik silek, indak namuah paduli adaik samo nagari juo lai, indak paralu dan indak paham pentingnyo silek ko, tapi satalah dibujuak abak samo amaknyo, ujang akhirnyo nio, dan mangarati, paralu bana anak anak bujang kini sebab inyolah panaruih adaik istiadaik nagari ko.

No comments

Powered by Blogger.
PT. Piliang Intermaya Media Mengucapkan: Selamat datang di Website Jurnalissumbar.id, Terima kasih telah berkunjung di blog kami.. Semoga anda senang!! Tertanda Pemred: Falsanar Arsul Piliang