RASIKO ANAK GADIH MARANTAU


Oleh: Muthia Calista mahasiswa dari Fakultas Ilmu Budaya jurusan Sastra Daerah Minangkabau Universitas Andalas


Carito ko bamulo dari Anak gadih yang nio pai barantau. Pado zaman dahulunyo alun ado nan namo anak gadih pai marantau. Pai ka tanah urang, Anak gadih biasonyo mauni rumah gadangnyo,manjago namo baiak, indak ado nan namonyo pai-pai dari rumah gadang. Sejatinyo Bak kato pepatah minang ” bundo kanduang di minang kabau, limpapeh rumah nan gadang, amban puro pagangan kunci, nan bak dama tapasang tinggi, taba rumpun tampak jauah, taba rambang tampak dakek, kasuri tauladan kain, kacupak tauladan batuang, pai tampek batanyo, pulang tampek babarito, litak tampek mintak nasi, auih tampek mintak aia, iduik tampek banasa, mati tampek baniaik, bakeh undang-undang kamadinah, ka payuang paji manuju sarugo, pusek jalo pumpunan ikan, masaklah buah kacang padi, dijua urang katangah pasa, padi nan masak batangkai-tangkai, bundo kanduang tauladan budi, paham nan usah amuah tajua, budi nan indak amuah tagadai. baitu pentingnyo kadudukan bundo kanduang dalam rumah gadangnyo, yaitu seseorang yang dijunjuang tinggi, urang nan disagani dalam rumah gadang. Dari itu  Seharusnyo anak gadih mancaminkan prilaku bundo kanduang dalam minang kabau. Tapi ba a lah ko dayo, Zaman kini anak gadih indak tau jo aturan-aturan urang tuo-tuo kini. Antah apo lah sababnyo kok nio inyo marantau, Inyo kalamak ati  apo nan kadikarajoannyo, ndak paduli jo urang tuonyo. Dek alah kagadangan ati, dek karancaak,  Urang kampuang nan alah tau jo inyo dari ketek indak nio inyo manyapo lai, bukan mukasuik apo apo tapi itulah alah manyalahan aturan minang ko.
Namonyo fitri, urang biasonyo manggia ipit, nan barumua 18 tahun, anak dari ena nan tungga babeleang tingga dikampuang, inyo baru tamaik SMK, dek urang tuonyo ndak ado piti untuk manguliahan inyo, jadi  si ipit ko inyo nio pai karantau dek indak ado nan kadi karajoannyo dikampuang. Sadiahlah hati, dikecek an kayak giko kampuang ko, Urang kampuang indak suko mancaliak gaya ipit nan agak mantiak. Jadi inyo indak ado kawan di kampuangnyo. Malam harinyo, keluarga ipit alah bakumpua kasadonyo saroman biaso untuk makan basamo-samo, ayah, amak, dan si ipit, inyo batigo dalam kaluarga tu nyo, di makan malam tu biasonyo mambahas apo nan alah tajadi hari kini, Alah salasai makan ipit ko makan, inyo mancibo untuk mangecek ka urang gaeknyo kalau inyo nio ka rantau.
”Jadi giko mak, abak, ipit nio bana pai marantau mak, hati ipit yakin untuak marantau ko mak, indak tau apo nan ipit karajoan disiko mak, indak adoh Nampak yang nio kadi karajoan di siko mak, mohonlah mak agiah izin jo restu untuak  ipit untuk pai yo mak” (kato ipit)
“ondeh ipit anak den, alah kau pikia elok-elok nak, alah kau inok inok an? Amak jo ayah ciek ipit, ipit surang nan kadiharokannyo. Amak indak punyo apo-apo selain ipit surang, ipit anak tungga babeleang amak, amak nio ipit cibo bana mamikian elok-elok untuk pai dari kampuang awak. Banyak yang bisa dikarajoan di siko, pun ipit indak bisa apo apo, saindaknyo manolongan amak disiko, pikia lah baliak nak kanduang, Apo kecek urang kampuang beko kalau ipit pai karantau, amak ndak nio kecek-kecek urang kampuang talampek beko nan indak-indak. Indak adoh anak gadih pai marantau doh, indak adoh sajarahnyo kewajiban anak gadih untuk pai marantau, apo lah ka di kaja disitu, Baa nan uda?” (jawek amak ipit)
“Kalau dek aden, aden iyo ndak satuju kalau ipit tu pai marantau, aden ndak akan maagiah izin inyo pai. Indak adoh nan ka dikaja disitu apo lai nyo anak gadih“ (kato ayah ipit)
“Ondeh amak jo ayah, izin dan restuislah ipit nio pai mancari karajo ayah, ipit nio marubah iduik awak, ipit nio bisa bakambang di rantau tu, daripado ipit indak ado karajo dikampuang ancak ipit pai marantau karajo ayah.” (Jawek ipit)
“nan pokoknyo, aden iyo ndak satuju kau pai marantau. Apo nan alasan kau, indak adoh dapek yang dikaja disitu, Den ndak nio anak gadih den satu-satunyo pai dari rumahnyo. Bialah aden yang pai karajo, bia aden yang payah payah disiko. Aden nio nan tabaiak untuak anak den.” (Kato ayah ipit)
Dari kecek tu Nampak amak jo ayah nyo indak satuju, kalau ipit pai dari rumahnyo, indak rela ipit untuk bapisiah dari ayah jo amaknyo, banyak yang ka ditakuik an kalau ipit pai marantau contohnyo kecek urang kampuang ba a bana anak gadih untuk pai marantau. Barikuik kalanjutan nyo,
“ iyo ipit, cibolah kau inok inok an, ancak kau pikia-pikian apo nan dikecekan nyo dek ayah kau ipit. Jan salah langkah beko badan nan tasesonyo naaaak, awak ndak adoh sia sia di situ, samo sia kau disitu, apo yang ka di karajoan disitu naakk oi..” (jawek amak mela)
“ipit nio bana pai marantau untuak karajonyo (mak, yah), apo nan amak pikian tentang ipit kini ko ?, sampai kandak hati ayah jo amak indak nio malampehan ipit untuk marantau, niaik hati elok untuk awak basamo juo ayah, amak, jadi apo yang amak dan ayah pikian kini tentang ipit ?” (kato ipit)
“giko pit a, apo kau tau caro urang iduik dirantau?, apo nan alah manguaik kau untuk nio bana ka rantau, amak takuik kok tajadi-jadi nan ndak elok beko, takuik adoh tajadi yang buruak beko. Amak tau niat ipit tu elok, untuk nio pai karajo, tapi cibolah jawek karajo apo nan ka ipit cari di tampek itu?” (jawek amak ipit)
“cibolah kau sadar jo paham apo bana nan ka dikarajoan disitu, ayah nio batanyo, apo nan ado karajo untuak urang tamaik SMK?” (kato ayah ipit)
“ lai ado nyo ayah, pasti adoh mah, yang pantiang niak dulu, kalau ado niaik tu pasti ado dapek karajo. Ipit kini nio karajo manjadi kasir ayah, sasuai jo jurusan perbankan ipit dulu yah, sesuai lah yah” (jawek ipit)
“gini giko selah pit, agiah waktu ayah jo amak kau untuak den pikia-pikian jo amak kau dulu” (kato ayah ipit)

Dari situ, ipit baharok cameh antah di izinkan atau indak, kalau dari ipit nyo nio, ipit baharok urang tuonyo mambari izin nyo untuk pai ke rantau, selain inyo ndak ado kawan dikampuang, inyo indak tau apo nan kadikarajoannyo. Kini ipit taurih barusaho untuak ipit mendesak amak jo ayahnyo untuk mambari izin. Padahal  Amak jo ayah ipit mangecek baduo mamikian ipit pai marantau,
“Paniang den dek ipit tu da, antah ba a lah nio juo nyo pai marantau, antah apo lah dikarajoan disitu, antah samo sia inyo disitu, apo nan kadikarajoan disitu da, Da kalau manuruik den ancak bari jo lah kesempatan untuak mancari karajo, ba a manuruik uda, bia sanang hatinyo dan tau nyo ba a rasonyo hiduk di rantau tu da ” (kato amak ipit)
“ iyo, dek den pun lai tapikia nyo, tapi apo harus pai marantau? Awaklah tau baa kehidupan urang dirantau tu saroman apo, jadi den kini itu nan tapikianyo. Den harok ipit tu dapek karajo lo mah. Bia bisa nyo untuak manolongan awak disiko da. “ (jawek ayah ipit)
“ ancak uda agiah ipit tu kesempatan untuk pai karajo dlu, buliah lo inyo bisa mandiri lo da” (kato amak ipit)
“ a yo lah...bia sanang hatinyo, awak cibo untuk bbisuak pagi wak ngecek jo ipit bliak” (jawek ayah ipit)
Salanjuiknyo, Ayah jo amak ipit alah mamikian untuak ipit pai marantau, jadi ayah jo amaknyo mambari izin untuak ipit pai marantau. Bisuak paginyo ayah jo amak ipit mamanggia ipit untuak mangecek masalah malam tadi.
“ipit....?” (kato amak ipit)
“ apo mak??”( jawek ipit)
“kasikolah kau ipit...”(kato ayah ipit)
“apo yah...”(jawek mela)
“alah ayah piki-pikian nan tadi malam tu, apo iyo nan kapai jo kau marantau??” (kato ayah ipit)
“iyo yah, tapi ipit iyo harok restu ayah samo amak” (jawek ipit)
Akhirnyo hati ipit sanang, lai di izinkan dan di restui dek ayah samo amaknyo untuk pai marantau, amak jo ayahnyo untuak pai marantau, karano amak jo ayah nyo maraso niaik elok ipit tu di agiah kesempatan.
“ayah pacayo ka ipit kalau mela elok-elok di tanah rantau, ayah samo amak maizin mela untuak pai marantau mancari karajo.”(kato ayahnyo)
“iyo nak, amak maizinkan ipit untuk pai mancari karajo. Tapi hati-hati anak den di pek itu yo..”(kato amaknyo)
“mokasih yo mak yah, ipit janji elok-elok di pek itu”(jawek ipit) dan ipit mamaluak kaduo urang tuonyo.
Hati ipit sanang mancaliak urang tuonyo maagiah izin untuak ipit pai marantau. Malamnyo ipit manyiapkan barang-barang nan kadibawok.
Paginyo ipit alah kasiap-siap barangkek, ayah jo amaknyo malapeh ipit untuk pai. ipit basalaman kapado kaduo urang tuonyo.
“amak, ipit brangkek dulu yo mak”(kato ipit) ipit mamaluak amaknyo
“hati-hati bana yo nak,” (jawek amaknyo)
“ayah, ipit pai lu yah”(kato ipit) ipit mencium tangan ayahnyo
“ hati-hati yo nak,”(kato ayahnyo)
Waktulah balalu ipit alah tibo ditanah rantau, nyo batamu jo urang(perempuan barumua 35 tahun) dan ipit maimbaunyo ante ipit bantanyo tampek tingga kaurang tu. Mela pacayo ka urang nan ndak dikenalnyo. Ante-ante tau kalau ipit urang baru dipek itu, jadi ipit dibaoknyo karumahnyo dikecek annyo ado karajo untuak ipit. Ipit nio manarimo tawarannyo. Alah tibo dirumah ante tu mela disuruahnyo untuak istirahat. Ipitpun manuruik kaurang tu. Ante  maniaik jaek ka ipit, inyo nio manjua ipit ka laki-laki ndak tau asal usulnyo. Gaya ipit nan agak mantiak mambuek urang tu samakin yakin kalau ipit nio. Inyo ndak maagiah tau ka ipit tapi inyo maagiah pitih banyak ka ipit, mungkin ipit maraso sanang diaagiah piti dek urang tu, ante-ante tu  ngecek inyo maagiah modal untuk ipit. Jadi melamanarimo pitih nan diagiah urang tu.
                  Hari lah malam, ado urang datang manjampuik ipit, ante-ante tu ngecek inyo nan kamaagiah mela karajo. Jadi ipit nio pai jo urang nan manjampuik ipit tu, inyo manjampuik pakai oto rancak. Akhianyo ipit pai jo inyo. Kironyo ipit dibawok nyo karumah inyo. Ipit batanyo kaurang tu.
“ko kama awak ko da?”(kato ipit)
“tapi awak pai katampek karajo”(jawek uda tu)
Ipit hanyo antok dek uda tu mangecek model tu, mela mulai maraso curiga…dek uda2 tu elok bana ka ipit ,,,melapun samakin curiga. Tibo dirumahnyo dipegangnyo tangan ipit, mela semakin ndak nyaman,
“ kok ndak ado tampek-tampek untuak karajo disiko da, tapi iko tampek karajo, ndak ado bagai komputer do”(kato ipit) dan mela samakin curiga
Uda tu hanyo diam-diam, lalu ipit memutuskan untuk pulang ka rumah ante-ante tadi, uda tu manahan ipit supayo ndak pai, uda tu mangecek ka ipit kalau ipit alah dibalinyo samo ante-ante tadi, ipit takajuik mandanga kecek uda tu. Jadi ipit tu dipaksanyo untuak malayani inyo, ipit bausao lari dari tampek itu. Akhirnyo ipit mancibo bisa membebaskan dirinyo. Dan nio pulang kakampuang halamannyo. Disepanjang jalan ipit managih....merintih....perasaan kecewa, perasaan sakit hati, perasaan iba kapada urangtuonyo.
Sadonyo bakacamuak dalam pamikiran ipit...ipit memutuskan untuak pulang karumahnyo. Ipit mancari oto untuak pulang.
Waktu lah lewat melapun lah sampai dihalaman rumahnyo, mancaliak amak jo ayah nyo ipit maraso kasihan, ipit manangih ndak baranti-ranti. Ado urang kampuang ipit nan nampak dek nyo ipit hanyo tagak di halaman. Urang maimbau ipit dan mamanggian urang tuo ipit. Akhianyo urang tuo ipit kalua...mancaliak ipit manangih taisak-isak ayah jo amak ipit cameh.
“ipit, dek apo anak den??? Ngecek lah” (kato amaknyo)
“ipit apo nan tajadi disitu??”(kato ayahnyo)
“ayah amak, ipit mintak maaf kalau ipit ndak bisa mambuek bahagia amak jo ayah. Dicaritoan lah ka amak abaknyo bahwa ipit ko ampiang tajebak lai mak, ado urang nan nio manjua ipit mak, alhamdulillah ipit bisa lari mak.”(Jawek ipit) dan ipit taruih nangih taisak-isak.
“alhamdulillah naak. Apo ado nan sakik naak…” (kato amaknyo) amak ipit manangih mancaliak anaknyo mandarita di rantau urang
“ naaak, “ (kato ayahnyo) ayah ipit berusaha menenangkan ipit yang terisak tangis
Akhirnyo ipit sadar bahwa kehidupan dirantau indak elok untuak anak-anak gadih. Ipit hanyo bapasan jan cibo-cibo pai karantau kalau ndak ado sanak-sanak dirantau.

No comments

Powered by Blogger.
PT. Piliang Intermaya Media Mengucapkan: Selamat datang di Website Jurnalissumbar.id, Terima kasih telah berkunjung di blog kami.. Semoga anda senang!! Tertanda Pemred: Falsanar Arsul Piliang