Payuang Panji Kasarugo

Oleh : Ulfa Syerlian Fitri, Mahasiswa Sastra Minangkabau, Fakultas Ilmu Budaya, UNAND


Tak..tak..tak... bunyi suaro langkah kaki Aji bajalan di lorong kampusnyo indak lamo sadang bajalan-jalan santai sambia banyanyi Aji dikajuikannyo dek si Attar. Kawan dakek Aji samanjak barumua 5 taun. Tarago bajalan baduo, batanyo Aji ka i Attar.
“ Tar menurut ang Tar e baa si Qaisa tu tar ? “,
Sambia tabasuik galaknyo manjawek lah Attar.” Si Attar anak pak Bagindo nan tingga di dakek rumah si Ujang tu yo ji ? “
Iyo batua bana Tar,  anak gadih manih elok laku j parangan banyak urang nan kanai hati ka Qaisa tu.“ jawek si Aji sambia mancaringik.
Katiko sadang bajalan baduo dari ujuang lorong nampak di kalopak mato si Aji padusi idaman nyo sadang bajanlan sambia bacarito jo kawan-kawan nyo. Hilang aka atar nan sadang salah tingkah tu. Indak tau ka manga badan alah manggigia. Mato indak bisa di ilakan dari sanyum manih Qaisa. Eh katiko basalisiah kironyo hal yang indak disangko-sangko Aji kironyo tajadi. Qaisa maanggukan kapalonyo sambia manapo “ Aji, Attar”
Indak tau a nan ka di sabuiknyo dek aji lai urang nan nyo suko alah lamo kironyo tau j namonyo.
Bisuak harinyo katiko sadang libur kuliah Aji sahari-hari nyo katiko indak ado karajo acok ma abisan wakatu jo mambuek puisi, puisi nan rancak jo mamikek hati. Biaso lah , anak mudo kuliah di sastra sadang balambin love pulo lai tu. Biasonyo Aji mambuek puisi-puisi tu di lingkungan terbuka tampek-tampek yang mambuek ispirasi baginyo. Sakali kini aji mamiliah pai mambuek puisi di surau labauh surau nan talatak dakek jalan satapak tapi pemandangan alam nyo, rancak dek di sampiang surau ko ado hamparan sawah nan mambantang di maarah ka gunuang marapi. Tapi salain pamandangan tu faktor utamo Aji pai ka surau labuah dek karano , jiko wk mado kasubalah kanan langsuang nampak rumah si Qaisa.
Di baliak itu padusi nan di idamanan samanjak SMA tu tanamo bana di nagari padusi elok laku, indak sombong , suko bagaua, tau di untuang. Sifat ny yang modeto alah tatanam samanjak dulunya sadari inyo ketek begitupun uni-uni jo adiaknyo, itu nan alah di ajaan abak jo mandehnyo. Walaupun hidup dari keluarga nan sederhanan indak pulo urang kayo balindak do, namun inyo kayo jo iman sarato akhlak nyo.
Siang tu Qaisya sadang marendo di muko rumahnyo dakek taman-taman bungo ketek nan dibuek dek mandehnyo,tapekyo Qaisa duduak di bawah pohon bungo karateh nan rimbun.
Marendo marupokan manyulam banang-banang banjadi tapi salendang nan rancak, nan biaso digunoan untuak tapi salendang koto gadang. Qaisa marendo tu untuak panambah pitih balanjo j mambantu urang tuonyo yo lumayan lah upah marendo lai cukuik untuak panambah pitih balanjonyo walaupun mambueknyo indak subanta , bagi urang nan baru pandai mngkin saminggu atau labiah sudahnyo, tapi bagi urang nan lah tabiaso mungkin salamo 2atau 3 hari siap sapasang rendo.
Dari jauah tibo si vina, adiak kanduangnyo si Qaisa adiak nan surang ko rajin, inyo labiah tinggi sagetek dari Qaisya samanjak si Vina Masuak Sanawiyah badannyo batambah gadang j batambah tinggi. Duduak si vina sampiang Qaisya, sambia bacarito,” kak Qisa ,lah ampia sudah rendo kak mah, rendo ina alun j sudah dek akak lai do, tugas Ina banyak bana jadi Ina sambia-sambia me mangarajoan no, no.”
Manyauik lah si Qaisa “ hahaha namonyo awak sadang sikolah lo Na , jadi diduluan lah tugas nan wajib tu dulu, lah santiang Ina namonyo tu mah pandai mambagi wakatu.”
“Hahaha iyo ndak kak aa, akk ko pandai bana mamuji Ina ee, pandai bana kak buek Ina jadi semangat , heheh, pokok no akak nan paliang the best, bahaso keren no kak ee.” Kecek si Vina.
“Hahahaha iyo bahaso urang janan now no ndak aa.”tambah Qaisya
Di muko surau nan indak jauah dari rumah Qaisya kironyo duduak surang anak mudo nan mamparatian Qaisya nan sadang bacarito j adiaknyo sambia marendo. Ndak lain ndak bukan urang tu iyolah si Aji. Kironyo alah ampia satangah jam aji duduak di surau labuah tu.
Ndak lamo taranga suaro onda mandaru, kironyo suaro onda si Atta nan sadang mancari konco arek nyo tu, alah kalimpasingan si ata mancari konconyo ko kasinan kamari tapi indak juo batamu. Lah pai pulonyo karumah si Aji kcek bundo Aji, Aji ny kalua . Kironyo Inyo di surau labuah ko kronyo.
“ oi yuang dari tadi ambo macari lai, lah batanyo l ambo ka bundo kecek bundo ang kalua, tapi bundo indak l tau pasti kama ang do, ang ko laikan tau bana den ko ndak do kawan selain ang e” garah si Attar ka Aji.
Galak takakah-kakah lah si Aji “Hahahahah sorry konco den nan malang, jaleh kawan ang ko sadang mencari masa depan.”
“Masa depan apo pulonyo ang ko kanti,hahah” manggalakan si Aji sambia mancime’ehnyo.
Sajaleh den sadang mabuek karya di ang ko ha, mambuek puisi dengan syair-syair nan indah menurut den dan mungkin bisa membahagiakan urang lain di ang.” Manjawek lah si Aji nan bijak ko.
“Ha..ha..ha.. baru takana di den surau ko kan dakek j rumahnyo si Qaisya, patuik lah ang di siko yah.” Taingek Attar sambia mampaudian i Aji.
“Hah indak lah di ang, sajaleh disiko tampeknyo asri,tu banyak inspirasi nan wk dapek kalau disiko duduak diang mah.” Jawek si Aji sambia mailak.
Hala, hala...banyak gaya angku mah.kok yo lah bara lamo lo angku duduak di mari go?” tanyo si Attar sambia indak baranti mampaudia Aji.
“Ala kabara bana nyo kurang labiah sajaman lah” jawek si Aji j tampang data nyo.
“Andeh mandeh lah lamo juo mah yo, mungkin go yo bisajadi baurek lamo-lamo kaki ang di siko sanang hati ang ndak a, buliah ndak baranjak ang dari tampek ko” gurau Attar ka Aji sambia mancime’eh no.
“Hahahah yo bana kawan den bana ang yo Tar, tau bana ang isi hati kanti ang ko, sanang ati den raso no e”  jawek Aji sambia glak j sanang hati di dorong no bahu Attar cako.
Tarago cirau birau konco arek baduo cako, kironyo Qaisa nan sadang marendo tadi indak ado duduak di bawah bungo karateh cako lai do. Pana i Aji mamanjangan kapalonyo, mancaliak ka ilia mudiak rumah i Qaisa cako tapi batang iduang Qaisa cako indak juo nampak. Samai sampai sakik paruik i Attar galak mancaliak kawan nyo nan sadang di landa asmara du.
Koronyo salamo Aji jo Attar sadang mangecek cako i Qaisa di panggia dek mandehnyo, mandehnyo manyuruah Qaisa untuak mambuek samba kamakan beko malam.
Indak taraso kironyo i Aji lah lamo pulo duduak di surau labuah tu j Attar sambia mancaliak-caliak karumah si Qaisa ,ndak lamo sudah tu bakumandang azand disurau labuah du. Bagageh  Aji pai maambiak uluak sambia mangecek ka si Attar,”Tar pek lah pai wk ambiak uluak wak lai, ingek lah diri kapado Alah maha pencipta go Tar.”
Manyauik i Attar,”andeh mandah iyo kanti mokasih banyak masukannyo kanti a, tapi awak yo kapai ambiak uluak juonyo kanti, hahahhah.”
Anak urang baduo tu dek sadari ketek alah bakawan arek makonyo alah sarupo sudaro kanduang, kama-kama baduo, kok kacarito a a nyo pasti nak urang tu carito baduo se deknyo lah samo-samo picayo dari ketek. Sampai-sampai satiok hari tu ndak ado ari nan ndak bagarah, pasti ado juo nan ka di galakan.
Salasai kaduonyo sholat, pai lah anak urang ko maracak ondanyo surang-surang sambia manikmati pemandangan langik-langik sanjo nan manyajuiak hati Aji jo Attar paikarumah i Aji. Tibo dirumah, Aji jo Attar langsuang di sambuik dek ayahnyo Aji nan sadang duduak di bangku teras muko sambia minum kopi. Batanyo ayah  Aji ka anak urang nan baduo ko,” dari ma se kalian baduo, baa kok dek lamo bana pulang.?”
“Itu mah pak etek cako i Aji pai ka surau labuah sambia mambuek puisi tu di sambian juo caliak jantuang hati” jawek si Attar sambia manapuak bahu i Aji”
“Ha pujaan hati baa lo go, anak sia lo nan no caliak du Tar?” takajuik ayah Aji sambia mananyo baliak.
Indak ka tau bana Pak Etek lo si Qaisa anak pak bagindo nan tingga dakek surau labuah tu mah pak etek ee, ndak ka tau l pak etek lo” jawek si Attar sambia manjalehan ka Ayah si Aji nan di panggianyo Pak Etek tu.
Owh... anak si Bagindo urang bansaik indak barado tu Tar? ,,injan lai, ang cari se lah padusi dari urang nan sataro jo awak. Jawek ayah Aji jo suaro tinggi.
“Eh baa kok baitu nyo pak etek lo?” kecek si Atta
“ Yah,, baa kok mode tu nyo ayah, indak kayo urang nan ka di cari do yah, budi parangai , baa akhlaknyo nan ka di caliak , Yah” jawek Aji joraso padiah hati dek kato-kato ayah nyo tu.
“ ijan buek mau urang gaek l ang lai ji, awak ko dari kaluarga tapandang, tujuah katurunan indak ka habih arato kito do, inyo urang biaso nan kamanjatuhan martabat keluarga wk menyodu” tagah ayah aji jo suaro nan batambah tinggi.
Indak tarimo jo kato-kato ayahnyo, Aji langsuang manjawek kck ayahnyo dek alah talampau bana,” yah labiah elok iduik sederhana dari pado jadi urang kayu balindak tapi indak maharagoi urang lain.

Dibaliak itu manyauik si Attar “ Pak Etek tahan emosi Pak Etek. Maaf sabalumnyo pak etek bukan mukasuik lancang Pak Etek tapi indak buliah awk manilai urang dari luanyo sajo pak etek apolai dari segi harato urang tu pak etek.”
“Ayah padusi nan kadicari ko yo padusi nan tau jo Tuhannyo , hormat ka urang tua, tau sopan santun nan labiah tapantiang dek Aji padusi kapayuang panji kasarugo untuak Aji bisuak ko, Yah. Padusi nan mampu mambantu jalan manuju sarugo untuak Aji. Nan bisa mambantuak Aji manjadi urang nan labiah elok, ibadahnyo ka Allah SWT ndak pernah tingga, maharagoi urang lain, tau j baa hiduik sabana nyo, ditujuan untuak siapo. Itu lah nan aji rasoan dari diri Qaisa, Yah” jawek Aji jo panuah raso hati nan paliang dalam ,bahwasony alah manilai baa tingkah laku Qaisa, yo Qaisa tu lah yang nyo cari, padus elok ,tau sopan jo santu bariman.
Tadiam ayah Aji, ndak tau a nan ka di sabuikan lai do, nan d katoannyo batua,yobana lah gadang anaknyo, maraso malu ayahnyo Aji di muko Aji jo antinyo samanjak ketek si Atta tu.
“Harato lah mambuek ayah putiah mato Aji, salah ayah salamoko, harato mambuek ayah tinggi pancalikan, indak maharagoi iduik urang lain.” Sadar ayah aji jo sipai sombong nan lah ma likik di badan nyo.
“kini Yah, mamintak maaf lah katuhan, ubah parangai sombong ayah bukan mukasui Aji lancang manasihaikan ayah, tapi dek Aji sayang ka ayah mangkonyo Aji ndak nio ayah ma anggap urang lain rahdah do yah, di mato tuhan sadonyo samo. Tapi Allah talabiah banci ka urang nan baprilaku sombong Yah.” Kato Aji j nada suaro nan lirih jo sanang hati mancaliak lah manyadari sipat buruak nan dak buliah di tanam di dalam hati.
Aji pun basungguah-sungguah mamintak katuhan, nyo perbaiki dirinyo menjadi urang yang labiah elok, modetu lo jo Ayah Aji. Aji nan baharok ka Allah pencipta manusia semoga dirinyo bisa menjadi urang yang labiah elok. Nyo tau urang elok untuak urang na elok lo. Untuaktunyo batekat sungguh-sungguh manyudahan kuliah makanjukan mancari karajo  nan elok sasudah tu baru mengaja a nan lah di impiannyo salamoko.
Modetu pulo si Qaisa yang sadang dalam baraja. Ny sugguang-sungguah juo dalam baraja manuntut ilmu.
Kato uramg jodoh indak kamano. Jikok kito mamintak katuhannyo.

No comments

Powered by Blogger.
PT. Piliang Intermaya Media Mengucapkan: Selamat datang di Website Jurnalissumbar.id, Terima kasih telah berkunjung di blog kami.. Semoga anda senang!! Tertanda Pemred: Falsanar Arsul Piliang